“97 milionë orë shikime” – seriali “Sex Education” është më i shikuari në Netflix
![“97 milionë orë shikime” – seriali “Sex Education” është më i shikuari në Netflix](https://telegrafi.com/wp-content/uploads/2023/09/Screenshot_9-33.png)
Seriali i njohur për adoleshencë ka përfunduar.
Më 21 shtator u publikua sezoni i katërt dhe i fundit i serialit “Sex Education”, i cili siç pritej u bë menjëherë hit në Netflix.
Sipas të dhënave të publikuara nga ajo platformë ‘streaming’, në një javë sezoni i katërt i serialit ka pasur pak më shumë se 97 milionë orë shikime, pra 12 milionë përdorues kanë ndjekur sezonin e fundit.
Foto: Netflix
Sezoni i fundit përbëhet nga tetë episode.
“Pas mbylljes së një kapitulli në shkollën e mesme Moordale, Otis dhe Eric tani përballen me një sfidë të re: ditën e parë në Cavendish Sixth Form College. Otis është nervoz për hapjen e klinikës së tij të re, ndërsa Eric shpreson se ata nuk do të jenë më humbës. Por Cavendish është një tronditje kulturore për të gjithë studentët e Moordale – ata mendonin se ishin përparimtarë, por ky kolegj është në një nivel tjetër”.
“Në ShBA, Maeve po jeton ëndrrën e saj në Universitetin prestigjioz Ëallace, ku mëson shkrimtari i kultit Thomas Molloy. Otis dëshiron shumë për të, ndërsa ai përshtatet të mos jetë i vetmi fëmijë në shtëpi ose terapisti i vetëm në kampus…”, është përmbledhja zyrtare e sezonit të fundit.
Foto: Netflix
Çfarë thonë kritikët për finalen e serialit?
Seriali ka vlerësime solide – 8.3 në IMDb dhe 94% në Rotten Tomatoes. Por nga të gjitha sezonet, ky i fundit deri tani ka vlerësimet më të ulëta, veçanërisht episodi i fundit. Të gjithë janë dakord që ky është një sezon krejtësisht i ndryshëm, sepse fëmijët janë rritur dhe nuk ka më momente të sikletshme që kanë zbukuruar sezonet e mëparshme. Edhe pse historia është e shpërndarë në të gjitha drejtimet, konsensusi është se seriali nuk mund të kishte përfunduar më mirë.
“Disa mund të mos i pëlqejnë të gjithë personazhet e rinj ose si doli gjithçka, dhe disa mund të mos pajtohen me atë se ku përfundon Otis në fund, por seriali mbetet plotësisht i sinqertë.
Është i ngatërruar, por në fund u jep fansave përfundimin e duhur me disa prej tyre, skena vërtet të bukura, ndonjëherë edhe zemërthyese”, shkruan The Wrap. /Telegrafi/
The post “97 milionë orë shikime” – seriali “Sex Education” është më i shikuari në Netflix appeared first on Telegrafi.
Comments
This post currently has no comments.