“Time Capsule” bën një ndalesë në Times Square, New York

Reperi i njohur shqiptar, Capital T, të premten e 11 gushtit mban një prej koncerteve të tij më të mëdha në karrierë.

Pas suksesit të “Time Capsule” në Tiranë, ai vjen me një të dytë në Prishtinë, organizimi i të cilit është i një niveli botëror.

Jehona e koncertit ka arritur edhe në një prej qendrave më të mëdha në botë, Time Square, New York, duke u shfaqur promoja e eventit të së premtes, që pritet të ‘pushtojë’ kryeqytetin e Kosovës.

Foto: Capital T/Instagram

Ndërkohë, kujtojmë që ylli botëror i muzikës, Akon do të jetë i ftuari special i artistit shqiptar.

50-vjeçari do të performojë për herë të parë në Kosovë, ai pritet që të arrijë sot pasdite (e mërkurë) në vendin tonë.

Foto: Screenshot

Ndërkohë, emra të tjerë që do të performojnë në “Time Capsule” janë: Ledri Vula, MC Kresha, Majk, Lyrical Son, 2po2, Rina Balaj, Elvana Gjata, Lluni, Kanita e II Ghost.

Theksojmë që koncertit ishte paraparë të mbahej në stadiumin “Fadil Vokrri”, ndërsa tashmë është zhvendosur në Parkingun e Pallatit të Rinisë”. /Telegrafi/

The post “Time Capsule” bën një ndalesë në Times Square, New York appeared first on Telegrafi.

Written by